២៥៦. ជរូទបានជាតកំ (៣-១-៦)

១៦. ជរូទបានំ ខណមានា, វាណិជា ឧទកត្ថិកា;

អជ្ឈគមុំ អយសំ លោហំ [អជ្ឈគំសុ អយោលោហំ (សី. ស្យា. បី.)], តិបុសីសញ្ច វាណិជា;

រជតំ ជាតរូបញ្ច, មុត្តា វេឡូរិយា ពហូ.

១៧. តេ ច តេន អសន្តុដ្ឋា, ភិយ្យោ ភិយ្យោ អខាណិសុំ;

តេ តត្ថាសីវិសោ [តត្ថ អាសីវិសោ (ក.), តត្ថបាសីវិសោ (ស្យា.)] ឃោរោ, តេជស្សី តេជសា ហនិ.

១៨. តស្មា ខណេ នាតិខណេ, អតិខាតំ [អតិខណំ (ក.)] ហិ បាបកំ;

ខាតេន ច [ខណេន ច (ក.), ខណនេន (ស្យា.)] ធនំ លទ្ធំ, អតិខាតេន [អតិខណេន (ក.)] នាសិតន្តិ.

ជរូទបានជាតកំ ឆដ្ឋំ.