២. បទសញ្ញកត្ថេរអបទានំ

៥. ‘‘អក្កន្តញ្ច បទំ ទិស្វា, តិស្សស្សាទិច្ចពន្ធុនោ;

ហដ្ឋោ ហដ្ឋេន ចិត្តេន, បទេ ចិត្តំ បសាទយិំ.

៦. ‘‘ទ្វេនវុតេ ឥតោ កប្បេ, យំ សញ្ញមលភិំ តទា;

ទុគ្គតិំ នាភិជានាមិ, បទសញ្ញាយិទំ ផលំ.

៧. ‘‘ឥតោ សត្តមកេ កប្បេ, សុមេធោ នាម ខត្តិយោ;

សត្តរតនសម្បន្នោ, ចក្កវតី មហព្ពលោ.

៨. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា បទសញ្ញកោ ថេរោ ឥមា គាថាយោ អភាសិត្ថាតិ.

បទសញ្ញកត្ថេរស្សាបទានំ ទុតិយំ.