៣. បច្ចាគមនិយត្ថេរអបទានំ

១៣. ‘‘សិន្ធុយា នទិយា តីរេ, ចក្កវាកោ អហំ តទា;

សុទ្ធសេវាលភក្ខោហំ, បាបេសុ ច សុសញ្ញតោ.

១៤. ‘‘អទ្ទសំ វិរជំ ពុទ្ធំ, គច្ឆន្តំ អនិលញ្ជសេ;

តុណ្ឌេន សាលំ បគ្គយ្ហ, វិបស្សិស្សាភិរោបយិំ.

១៥. ‘‘យស្ស សទ្ធា តថាគតេ, អចលា សុបតិដ្ឋិតា;

តេន ចិត្តប្បសាទេន, ទុគ្គតិំ សោ ន គច្ឆតិ.

១៦. ‘‘ស្វាគតំ វត មេ អាសិ, ពុទ្ធសេដ្ឋស្ស សន្តិកេ;

វិហង្គមេន សន្តេន, សុពីជំ រោបិតំ មយា.

១៧. ‘‘ឯកនវុតិតោ កប្បេ, យំ បុប្ផមភិរោបយិំ;

ទុគ្គតិំ នាភិជានាមិ, ពុទ្ធបូជាយិទំ [បុប្ផបូជាយិទំ (សី.)] ផលំ.

១៨. ‘‘សុចារុទស្សនា នាម, អដ្ឋេតេ ឯកនាមកា;

កប្បេ សត្តរសេ អាសុំ, ចក្កវត្តី មហព្ពលា.

១៩. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា បច្ចាគមនិយោ ថេរោ ឥមា គាថាយោ អភាសិត្ថាតិ.

បច្ចាគមនិយត្ថេរស្សាបទានំ តតិយំ.