៧. អបរឧត្តរត្ថេរអបទានំ

៩៣. ‘‘និព្ពុតេ លោកនាថម្ហិ, សិទ្ធត្ថេ លោកនាយកេ;

មម ញាតី សមានេត្វា, ធាតុបូជំ អកាសហំ.

៩៤. ‘‘ចតុន្នវុតិតោ កប្បេ, យំ ធាតុមភិបូជយិំ;

ទុគ្គតិំ នាភិជានាមិ, ធាតុបូជាយិទំ ផលំ.

៩៥. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៩៦. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៩៧. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា អបរឧត្តរត្ថេរោ ឥមា គាថាយោ

អភាសិត្ថាតិ.

អបរស្ស ឧត្តរត្ថេរស្សាបទានំ សត្តមំ.