២. នទីកស្សបត្ថេរអបទានំ

២៩. ‘‘បទុមុត្តរស្ស ភគវតោ, លោកជេដ្ឋស្ស តាទិនោ;

បិណ្ឌចារំ ចរន្តស្ស, វារតោ ឧត្តមំ យសំ;

អគ្គផលំ គហេត្វាន, អទាសិំ សត្ថុនោ អហំ.

៣០. ‘‘តេន កម្មេន ទេវិន្ទោ, លោកជេដ្ឋោ នរាសភោ;

សម្បត្តោម្ហិ អចលំ ឋានំ, ហិត្វា ជយបរាជយំ.

៣១. ‘‘សតសហស្សិតោ កប្បេ, យំ ផលំ អទទិំ តទា;

ទុគ្គតិំ នាភិជានាមិ, អគ្គទានស្សិទំ ផលំ.

៣២. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៣៣. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៣៤. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា នទីកស្សបោ ថេរោ ឥមា គាថាយោ

អភាសិត្ថាតិ.

នទីកស្សបត្ថេរស្សាបទានំ ទុតិយំ.