៧. គិរិនេលបូជកត្ថេរអបទានំ

៤២. ‘‘មិគលុទ្ទោ បុរេ អាសិំ, វិបិនេ វិចរំ អហំ;

អទ្ទសំ វិរជំ ពុទ្ធំ, សព្ពធម្មាន បារគុំ.

៤៣. ‘‘តស្មិំ មហាការុណិកេ, សព្ពសត្តហិតេ រតេ;

បសន្នចិត្តោ សុមនោ, នេលបុប្ផមបូជយិំ.

៤៤. ‘‘ឯកតិំសេ ឥតោ កប្បេ, យំ បុប្ផមភិបូជយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

៤៥. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៤៦. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៤៧. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា គិរិនេលបូជកោ ថេរោ ឥមា គាថាយោ

អភាសិត្ថាតិ.

គិរិនេលបូជកត្ថេរស្សាបទានំ សត្តមំ.