៦. ទណ្ឌទាយកត្ថេរអបទានំ

៣៦. ‘‘កាននំ វនមោគយ្ហ, វេឡុំ ឆេត្វានហំ តទា;

អាលម្ពណំ ករិត្វាន, សង្ឃស្ស អទទិំ ពហុំ [អហំ (សី. ស្យា. បី.)].

៣៧. ‘‘តេន ចិត្តប្បសាទេន, សុព្ពតេ អភិវាទិយ;

អាលម្ពទណ្ឌំ ទត្វាន, បក្កាមិំ ឧត្តរាមុខោ.

៣៨. ‘‘ចតុន្នវុតិតោ កប្បេ, យំ ទណ្ឌមទទិំ តទា;

ទុគ្គតិំ នាភិជានាមិ, ទណ្ឌទានស្សិទំ ផលំ.

៣៩. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៤០. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៤១. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ទណ្ឌទាយកោ ថេរោ ឥមា គាថាយោ

អភាសិត្ថាតិ.

ទណ្ឌទាយកត្ថេរស្សាបទានំ ឆដ្ឋំ.

តេវីសតិមំ ភាណវារំ.