២. មញ្ចទាយកត្ថេរអបទានំ

១៣. ‘‘វិបស្សិនោ ភគវតោ, លោកជេដ្ឋស្ស តាទិនោ;

ឯកមញ្ចំ [ឯកំ វេច្ចំ (ស្យា.), ឯកបច្ឆំ (បី.)] មយា ទិន្នំ, បសន្នេន សបាណិនា.

១៤. ‘‘ហត្ថិយានំ អស្សយានំ, ទិព្ពយានំ សមជ្ឈគំ;

តេន មញ្ចកទានេន, បត្តោម្ហិ អាសវក្ខយំ.

១៥. ‘‘ឯកនវុតិតោ កប្បេ, យំ មញ្ចមទទិំ តទា;

ទុគ្គតិំ នាភិជានាមិ, មញ្ចទានស្សិទំ ផលំ.

១៦. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

១៧. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

១៨. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា មញ្ចទាយកោ [វេច្ចកទាយកោ (ស្យា.), សទ្ទសញ្ញិកវគ្គេបិ ឥទំ§អបទានំ ទិស្សតិ] ថេរោ ឥមា គាថាយោ អភាសិត្ថាតិ.

មញ្ចទាយកត្ថេរស្សាបទានំ ទុតិយំ.