៣. សរណគមនិយត្ថេរអបទានំ

១៩. ‘‘អារុហិម្ហ តទា នាវំ, ភិក្ខុ ចាជីវិកោ ចហំ;

នាវាយ ភិជ្ជមានាយ, ភិក្ខុ មេ សរណំ អទា.

២០. ‘‘ឯកតិំសេ ឥតោ កប្បេ, យំ សោ មេ សរណំ អទា;

ទុគ្គតិំ នាភិជានាមិ, សរណគមនេ ផលំ.

២១. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

២២. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

២៣. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា សរណគមនិយោ ថេរោ ឥមា គាថាយោ

អភាសិត្ថាតិ.

សរណគមនិយត្ថេរស្សាបទានំ តតិយំ.