៦. កុសដ្ឋកទាយកត្ថេរអបទានំ

៥៦. ‘‘កស្សបស្ស ភគវតោ, ព្រាហ្មណស្ស វុសីមតោ;

បសន្នចិត្តោ សុមនោ, កុសដ្ឋកមទាសហំ.

៥៧. ‘‘ឥមស្មិំយេវ កប្បស្មិំ, កុសដ្ឋកមទាសហំ;

ទុគ្គតិំ នាភិជានាមិ, កុសដ្ឋកស្សិទំ ផលំ.

៥៨. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៥៩. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៦០. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា កុសដ្ឋកទាយកោ ថេរោ ឥមា គាថាយោ

អភាសិត្ថាតិ.

កុសដ្ឋកទាយកត្ថេរស្សាបទានំ ឆដ្ឋំ.