៧. គិរិបុន្នាគិយត្ថេរអបទានំ

៦១. ‘‘សោភិតោ នាម សម្ពុទ្ធោ, ចិត្តកូដេ វសី តទា;

គហេត្វា គិរិបុន្នាគំ, សយម្ភុំ អភិបូជយិំ.

៦២. ‘‘ចតុន្នវុតិតោ កប្បេ, យំ ពុទ្ធមភិបូជយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

៦៣. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៦៤. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៦៥. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា គិរិបុន្នាគិយោ ថេរោ ឥមា គាថាយោ

អភាសិត្ថាតិ.

គិរិបុន្នាគិយត្ថេរស្សាបទានំ សត្តមំ.