៥. កុម្មាសទាយកត្ថេរអបទានំ

៥១. ‘‘ឯសនាយ ចរន្តស្ស, វិបស្សិស្ស មហេសិនោ;

រិត្តកំ បត្តំ ទិស្វាន, កុម្មាសំ បូរយិំ អហំ.

៥២. ‘‘ឯកនវុតិតោ កប្បេ, យំ ភិក្ខំ អទទិំ តទា;

ទុគ្គតិំ នាភិជានាមិ, កុម្មាសស្ស ឥទំ ផលំ.

៥៣. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៥៤. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៥៥. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា កុម្មាសទាយកោ ថេរោ ឥមា គាថាយោ

អភាសិត្ថាតិ.

កុម្មាសទាយកត្ថេរស្សាបទានំ បញ្ចមំ.