៨. បិលក្ខផលទាយកត្ថេរអបទានំ

៤០. ‘‘វនន្តរេ ពុទ្ធំ ទិស្វា [វនន្តេ ពុទ្ធំ ទិស្វាន (សី. បី.)], អត្ថទស្សិំ មហាយសំ;

បសន្នចិត្តោ សុមនោ, បិលក្ខស្ស [បិលក្ខុស្ស (បី.)] ផលំ អទា.

៤១. ‘‘អដ្ឋារសេ កប្បសតេ, យំ ផលំ អទទិំ តទា;

ទុគ្គតិំ នាភិជានាមិ, ផលទានស្សិទំ ផលំ.

៤២. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៤៣. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៤៤. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា បិលក្ខផលទាយកោ ថេរោ ឥមា

គាថាយោ អភាសិត្ថាតិ.

បិលក្ខផលទាយកត្ថេរស្សាបទានំ អដ្ឋមំ.