៥. សុមនតាលវណ្ដិយត្ថេរអបទានំ

២១. ‘‘សិទ្ធត្ថស្ស ភគវតោ, តាលវណ្ដមទាសហំ;

សុមនេហិ បដិច្ឆន្នំ, ធារយាមិ មហាយសំ.

២២. ‘‘ចតុន្នវុតិតោ កប្បេ, តាលវណ្ដមទាសហំ;

ទុគ្គតិំ នាភិជានាមិ, តាលវណ្ដស្សិទំ ផលំ.

២៣. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

២៤. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

២៥. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា សុមនតាលវណ្ដិយោ ថេរោ ឥមា

គាថាយោ អភាសិត្ថាតិ.

សុមនតាលវណ្ដិយត្ថេរស្សាបទានំ បញ្ចមំ.