១០. គន្ធបូជកត្ថេរអបទានំ

៦៣. ‘‘ចិតាសុ កុរុមានាសុ [ចិត្តេសុ កយិរមានេសុ (សី.)], នានាគន្ធេ សមាហដេ;

បសន្នចិត្តោ សុមនោ, គន្ធមុដ្ឋិមបូជយិំ.

៦៤. ‘‘សតសហស្សិតោ កប្បេ, ចិតកំ យមបូជយិំ;

ទុគ្គតិំ នាភិជានាមិ, ចិតបូជាយិទំ ផលំ.

៦៥. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៦៦. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៦៧. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា គន្ធបូជកោ ថេរោ ឥមា គាថាយោ

អភាសិត្ថាតិ.

គន្ធបូជកត្ថេរស្សាបទានំ ទសមំ.

ជគតិទាយកវគ្គោ ឆចត្តាលីសមោ.