៣. ពិល្លិយត្ថេរអបទានំ

១៥. ‘‘ចន្ទភាគានទីតីរេ, អស្សមោ សុកតោ មម;

ពិល្លរុក្ខេហិ [ពេលុវរុក្ខេហិ (ស្យា.)] អាកិណ្ណោ, នានាទុមនិសេវិតោ.

១៦. ‘‘សុគន្ធំ ពេលុវំ ទិស្វា, ពុទ្ធសេដ្ឋមនុស្សរិំ;

ខារិភារំ បូរយិត្វា, តុដ្ឋោ សំវិគ្គមានសោ.

១៧. ‘‘កកុសន្ធំ ឧបាគម្ម, ពិល្លបក្កមទាសហំ;

បុញ្ញក្ខេត្តស្ស វីរស្ស, វិប្បសន្នេន ចេតសា.

១៨. ‘‘ឥមស្មិំយេវ កប្បស្មិំ, យំ ផលមទទិំ តទា;

ទុគ្គតិំ នាភិជានាមិ, ផលទានស្សិទំ ផលំ.

១៩. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

២០. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

២១. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ពិល្លិយោ ថេរោ ឥមា គាថាយោ

អភាសិត្ថាតិ.

ពិល្លិយត្ថេរស្សាបទានំ តតិយំ.