៦. វល្លិផលទាយកត្ថេរអបទានំ

៣១. ‘‘សព្ពេ ជនា សមាគម្ម, អគមិំសុ វនំ តទា;

ផលមន្វេសមានា តេ, អលភិំសុ ផលំ តទា.

៣២. ‘‘តត្ថទ្ទសាសិំ សម្ពុទ្ធំ, សយម្ភុំ អបរាជិតំ;

បសន្នចិត្តោ សុមនោ, វល្លិផលមទាសហំ.

៣៣. ‘‘ឯកត្តិំសេ ឥតោ កប្បេ, យំ ផលមទទិំ តទា;

ទុគ្គតិំ នាភិជានាមិ, ផលទានស្សិទំ ផលំ.

៣៤. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៣៥. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៣៦. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា វល្លិផលទាយកោ ថេរោ ឥមា គាថាយោ អភាសិត្ថាតិ.

វល្លិផលទាយកត្ថេរស្សាបទានំ ឆដ្ឋំ.