១០. កាសុមារិផលទាយកត្ថេរអបទានំ

៥៣. ‘‘កណិការំវ ជោតន្តំ, និសិន្នំ បព្ពតន្តរេ;

អទ្ទសំ វិរជំ ពុទ្ធំ, លោកជេដ្ឋំ នរាសភំ.

៥៤. ‘‘បសន្នចិត្តោ សុមនោ, សិរេ កត្វាន អញ្ជលិំ;

កាសុមារិផលំ គយ្ហ, ពុទ្ធសេដ្ឋស្សទាសហំ.

៥៥. ‘‘ឯកត្តិំសេ ឥតោ កប្បេ, យំ ផលមទទិំ អហំ;

ទុគ្គតិំ នាភិជានាមិ, ផលទានស្សិទំ ផលំ.

៥៦. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

៥៧. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៥៨. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា កាសុមារិផលទាយកោ ថេរោ ឥមា គាថាយោ អភាសិត្ថាតិ.

កាសុមារិផលទាយកត្ថេរស្សាបទានំ ទសមំ.

ពោធិវន្ទនវគ្គោ អដ្ឋតិំសតិមោ.