៧. បទុមបូជកត្ថេរអបទានំ

៤៤. ‘‘ហិមវន្តស្សាវិទូរេ, រោមសោ នាម បព្ពតោ;

ពុទ្ធោបិ សម្ភវោ នាម, អព្ភោកាសេ វសី តទា.

៤៥. ‘‘ភវនា និក្ខមិត្វាន, បទុមំ ធារយិំ អហំ;

ឯកាហំ ធារយិត្វាន, បុន ភវនុបាគមិំ.

៤៦. ‘‘ឯកនវុតិតោ កប្បេ, យំ បុប្ផមភិរោបយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

៤៧. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា បទុមបូជកោ ថេរោ ឥមា គាថាយោ អភាសិត្ថាតិ.

បទុមបូជកត្ថេរស្សាបទានំ សត្តមំ.

តេរសមំ ភាណវារំ.