៤. ឯកបុប្ផិយត្ថេរអបទានំ

១៦. ‘‘ទក្ខិណម្ហិ ទុវារម្ហិ, បិសាចោ អាសហំ តទា;

អទ្ទសំ វិរជំ ពុទ្ធំ, បីតរំសិំវ ភាណុមំ.

១៧. ‘‘វិបស្សិស្ស នរគ្គស្ស, សព្ពលោកហិតេសិនោ;

ឯកបុប្ផំ មយា ទិន្នំ, ទ្វិបទិន្ទស្ស តាទិនោ.

១៨. ‘‘ឯកនវុតិតោ កប្បេ, យំ បុប្ផមទទិំ តទា;

ទុគ្គតិំ នាភិជានាមិ, ពុទ្ធបូជាយិទំ ផលំ.

១៩. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ឯកបុប្ផិយោ ថេរោ ឥមា គាថាយោ អភាសិត្ថាតិ.

ឯកបុប្ផិយត្ថេរស្សាបទានំ ចតុត្ថំ.