៩. ឧបាគតាសយត្ថេរអបទានំ

៣៤. ‘‘ហិមវន្តស្ស វេមជ្ឈេ, សរោ អាសិ សុនិម្មិតោ;

តត្ថាហំ រក្ខសោ អាសិំ, ហេឋសីលោ ភយានកោ.

៣៥. ‘‘អនុកម្បកោ ការុណិកោ, វិបស្សី លោកនាយកោ;

មមុទ្ធរិតុកាមោ សោ, អាគច្ឆិ មម សន្តិកំ.

៣៦. ‘‘ឧបាគតំ មហាវីរំ, ទេវទេវំ នរាសភំ;

អាសយា អភិនិក្ខម្ម, អវន្ទិំ សត្ថុនោ អហំ.

៣៧. ‘‘ឯកនវុតិតោ កប្បេ, យំ វន្ទិំ បុរិសុត្តមំ;

ទុគ្គតិំ នាភិជានាមិ, វន្ទនាយ ឥទំ ផលំ.

៣៨. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ឧបាគតាសយោ [ឧបាគតហាសនិយោ (ស្យា.), ឧបាគតាហាសនិយោ (ក.)] ថេរោ ឥមា គាថាយោ អភាសិត្ថាតិ.

ឧបាគតាសយត្ថេរស្សាបទានំ នវមំ.