១០. តរណិយត្ថេរអបទានំ

៣៩. ‘‘សុវណ្ណវណ្ណោ សម្ពុទ្ធោ, វិបស្សី ទក្ខិណារហោ;

នទីតីរេ ឋិតោ សត្ថា, ភិក្ខុសង្ឃបុរក្ខតោ.

៤០. ‘‘នាវា ន វិជ្ជតេ តត្ថ, សន្តារណី មហណ្ណវេ;

នទិយា អភិនិក្ខម្ម, តារេសិំ លោកនាយកំ.

៤១. ‘‘ឯកនវុតិតោ កប្បេ, យំ តារេសិំ នរុត្តមំ;

ទុគ្គតិំ នាភិជានាមិ, តរណាយ ឥទំ ផលំ.

៤២. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា តរណិយោ ថេរោ ឥមា គាថាយោ អភាសិត្ថាតិ.

តរណិយត្ថេរស្សាបទានំ ទសមំ.

បទុមុក្ខិបវគ្គោ សត្តវីសតិមោ.