៧. ជវហំសកត្ថេរអបទានំ

២៦. ‘‘ចន្ទភាគានទីតីរេ, អាសិំ វនចរោ តទា;

សិទ្ធត្ថំ អទ្ទសំ ពុទ្ធំ, គច្ឆន្តំ អនិលញ្ជសេ.

២៧. ‘‘អញ្ជលិំ បគ្គហេត្វាន, ឧល្លោកេន្តោ មហាមុនិំ;

សកំ ចិត្តំ បសាទេត្វា, អវន្ទិំ នាយកំ អហំ.

២៨. ‘‘ចតុន្នវុតិតោ កប្បេ, យមវន្ទិំ នរាសភំ;

ទុគ្គតិំ នាភិជានាមិ, វន្ទនាយ ឥទំ ផលំ.

២៩. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ជវហំសកោ ថេរោ ឥមា គាថាយោ អភាសិត្ថាតិ.

ជវហំសកត្ថេរស្សាបទានំ សត្តមំ.