៣. អឌ្ឍចន្ទិយត្ថេរអបទានំ

១០. ‘‘តិស្សស្ស ខោ ភគវតោ, ពោធិយា បាទបុត្តមេ;

អឌ្ឍចន្ទំ មយា ទិន្នំ, ធរណីរុហបាទបេ.

១១. ‘‘ទ្វេនវុតេ ឥតោ កប្បេ, យំ ចន្ទ [យំ បុប្ផ (ក.)] មភិរោបយិំ;

ទុគ្គតិំ នាភិជានាមិ, ពោធិបូជាយិទំ ផលំ.

១២. ‘‘បញ្ចវីសេ ឥតោ កប្បេ, ទេវលោ នាម ខត្តិយោ;

សត្តរតនសម្បន្នោ, ចក្កវត្តី មហព្ពលោ.

១៣. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា អឌ្ឍចន្ទិយោ ថេរោ ឥមា គាថាយោ អភាសិត្ថាតិ.

អឌ្ឍចន្ទិយត្ថេរស្សាបទានំ តតិយំ.