២. តេលមក្ខិយត្ថេរអបទានំ

៦. ‘‘សិទ្ធត្ថម្ហិ ភគវតិ, និព្ពុតម្ហិ នរាសភេ;

ពោធិយា វេទិកាយាហំ, តេលំ មក្ខេសិ តាវទេ.

៧. ‘‘ចតុន្នវុតិតោ កប្បេ, យំ តេលំ មក្ខយិំ តទា;

ទុគ្គតិំ នាភិជានាមិ, មក្ខនាយ ឥទំ ផលំ.

៨. ‘‘ចតុវីសេ ឥតោ កប្បេ, សុច្ឆវិ នាម ខត្តិយោ;

សត្តរតនសម្បន្នោ, ចក្កវត្តី មហព្ពលោ.

៩. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា តេលមក្ខិយោ ថេរោ ឥមា គាថាយោ អភាសិត្ថាតិ.

តេលមក្ខិយត្ថេរស្សាបទានំ ទុតិយំ.