៤. តិចម្បកបុប្ផិយត្ថេរអបទានំ

១៣. ‘‘ហិមវន្តស្សាវិទូរេ, វិកតោ [វិកនោ (សី. ស្យា.)] នាម បព្ពតោ;

តស្ស វេមជ្ឈេ វសតិ, សមណោ ភាវិតិន្ទ្រិយោ.

១៤. ‘‘ទិស្វាន តស្សោបសមំ, វិប្បសន្នេន ចេតសា;

តីណិ ចម្បកបុប្ផានិ, គហេត្វាន សមោកិរិំ.

១៥. ‘‘ឯកនវុតិតោ កប្បេ, យំ បុប្ផមភិបូជយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

១៦. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា តិចម្បកបុប្ផិយោ ថេរោ ឥមា គាថាយោ អភាសិត្ថាតិ.

តិចម្បកបុប្ផិយត្ថេរស្សាបទានំ ចតុត្ថំ.