៧. ធាតុបូជកត្ថេរអបទានំ

២៣. ‘‘និព្ពុតេ លោកនាថម្ហិ, សិទ្ធត្ថម្ហិ នរុត្តមេ;

ឯកា ធាតុ មយា លទ្ធា, ទ្វិបទិន្ទស្ស តាទិនោ.

២៤. ‘‘តាហំ ធាតុំ គហេត្វាន, ពុទ្ធស្សាទិច្ចពន្ធុនោ;

បញ្ចវស្សេ បរិចរិំ, តិដ្ឋន្តំវ នរុត្តមំ.

២៥. ‘‘ចតុន្នវុតិតោ កប្បេ, យំ ធាតុំ បូជយិំ តទា;

ទុគ្គតិំ នាភិជានាមិ, ធាតុបដ្ឋហនេ ផលំ.

២៦. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ធាតុបូជកោ ថេរោ ឥមា គាថាយោ អភាសិត្ថាតិ.

ធាតុបូជកត្ថេរស្សាបទានំ សត្តមំ.