២. ភាជនបាលកត្ថេរអបទានំ

៥. ‘‘នគរេ ពន្ធុមតិយា, កុម្ភការោ អហំ តទា;

ភាជនំ អនុបាលេសិំ, ភិក្ខុសង្ឃស្ស តាវទេ.

៦. ‘‘ឯកនវុតិតោ កប្បេ, ភាជនំ អនុបាលយិំ;

ទុគ្គតិំ នាភិជានាមិ, ភាជនស្ស ឥទំ ផលំ.

៧. ‘‘តេបញ្ញាសេ ឥតោ កប្បេ, អនន្តជាលិនាមកោ;

សត្តរតនសម្បន្នោ, ចក្កវត្តី មហព្ពលោ.

៨. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ភាជនបាលកោ [ភាជនទាយកោ (សី. ស្យា.)] ថេរោ ឥមា គាថាយោ អភាសិត្ថាតិ.

ភាជនបាលកត្ថេរស្សាបទានំ ទុតិយំ.