៤. ឯកសញ្ញកត្ថេរអបទានំ

១៧. ‘‘ទុមគ្គេ បំសុកូលិកំ [បំសុកូលកំ (?)], លគ្គំ ទិស្វាន សត្ថុនោ;

អញ្ជលិំ បគ្គហេត្វាន, បំសុកូលំ អវន្ទហំ.

១៨. ‘‘ឯកត្តិំសេ ឥតោ កប្បេ, យំ សញ្ញមលភិំ តទា;

ទុគ្គតិំ នាភិជានាមិ, ពុទ្ធបូជាយិទំ ផលំ.

១៩. ‘‘បញ្ចវីសេ ឥតោ កប្បេ, ឯកោ អាសិំ ជនាធិបោ;

អមិតាភោតិ នាមេន, ចក្កវត្តី មហព្ពលោ.

២០. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ឯកសញ្ញកោ ថេរោ ឥមា គាថាយោ អភាសិត្ថាតិ.

ឯកសញ្ញកត្ថេរស្សាបទានំ ចតុត្ថំ.