២. បានធិទាយកត្ថេរអបទានំ

៦. ‘‘អារញ្ញិកស្ស ឥសិនោ, ចិររត្តតបស្សិនោ [ឈាយិនោ, មេត្តចិត្តតបស្សិនោ (ស្យា.)];

ពុទ្ធស្ស [ធម្មស្ស (ស្យា. ក.)] ភាវិតត្តស្ស, អទាសិំ បានធិំ អហំ.

៧. ‘‘តេន កម្មេន ទ្វិបទិន្ទ, លោកជេដ្ឋ នរាសភ;

ទិព្ពយានំ [សព្ពំ យានំ (សី.)] អនុភោមិ, បុព្ពកម្មស្សិទំ ផលំ.

៨. ‘‘ចតុន្នវុតេ ឥតោ កប្បេ, យំ កម្មមករិំ តទា;

ទុគ្គតិំ នាភិជានាមិ, បានធិស្ស ឥទំ ផលំ.

៩. ‘‘សត្តសត្តតិតោ កប្បេ, អដ្ឋ អាសិំសុ ខត្តិយា;

សុយានា នាម នាមេន, ចក្កវត្តី មហព្ពលា.

១០. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា បានធិទាយកោ ថេរោ ឥមា គាថាយោ អភាសិត្ថាតិ.

បានធិទាយកត្ថេរស្សាបទានំ ទុតិយំ.