៣. ខណ្ឌបុល្លិយត្ថេរអបទានំ

១២. ‘‘ផុស្សស្ស ខោ ភគវតោ, ថូបោ អាសិ មហាវនេ;

កុញ្ជរេហិ តទា ភិន្នោ, បរូឡ្ហោ បាទបោ [បរូឡ្ហបាទបោ (សី.), សំរូឡ្ហោ បាទបោ (ស្យា.)] តហិំ.

១៣. ‘‘វិសមញ្ច សមំ កត្វា, សុធាបិណ្ឌំ អទាសហំ;

តិលោកគរុនោ តស្ស, គុណេហិ បរិតោសិតោ [បរិតោ សុតោ (ក.)].

១៤. ‘‘ទ្វេនវុតេ ឥតោ កប្បេ, យំ កម្មមករិំ តទា;

ទុគ្គតិំ នាភិជានាមិ, សុធាបិណ្ឌស្សិទំ ផលំ.

១៥. ‘‘សត្តសត្តតិកប្បម្ហិ, ជិតសេនាសុំ សោឡស;

សត្តរតនសម្បន្នា, ចក្កវត្តី មហព្ពលា.

១៦. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ខណ្ឌផុល្លិយោ ថេរោ ឥមា គាថាយោ អភាសិត្ថាតិ.

ខណ្ឌបុល្លិយត្ថេរស្សាបទានំ តតិយំ.