៩. សុកតាវេឡិយត្ថេរអបទានំ

៤៣. ‘‘អសិតោ នាម នាមេន, មាលាការោ អហំ [អហុំ (?)] តទា;

អាវេឡំ បគ្គហេត្វាន, រញ្ញោ ទាតុំ វជាមហំ.

៤៤. ‘‘អសម្បត្តោម្ហិ [អសម្បត្តម្ហិ (សី.), អសម្បត្តោវ (?)] រាជានំ, អទ្ទសំ សិខិនាយកំ;

ហដ្ឋោ ហដ្ឋេន ចិត្តេន, ពុទ្ធស្ស អភិរោបយិំ.

៤៥. ‘‘ឯកត្តិំសេ ឥតោ កប្បេ, យំ បុប្ផមភិបូជយិំ;

ទុគ្គតិំ នាភិជានាមិ, ពុទ្ធបូជាយិទំ ផលំ.

៤៦. ‘‘បញ្ចវីសេ ឥតោ កប្បេ, រាជាហោសិំ មហព្ពលោ;

វេភារោ នាម នាមេន, ចក្កវត្តី មហព្ពលោ.

៤៧. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា សុកតាវេឡិយោ ថេរោ ឥមា គាថាយោ អភាសិត្ថាតិ.

សុកតាវេឡិយត្ថេរស្សាបទានំ នវមំ.