៦. ពោធិឧបដ្ឋាកត្ថេរអបទានំ

៣០. ‘‘នគរេ រម្មវតិយា, អាសិំ មុរជវាទកោ;

និច្ចុបដ្ឋានយុត្តោម្ហិ, គតោហំ ពោធិមុត្តមំ.

៣១. ‘‘សាយំ បាតំ ឧបដ្ឋិត្វា, សុក្កមូលេន ចោទិតោ;

អដ្ឋារសកប្បសតេ, ទុគ្គតិំ នុបបជ្ជហំ.

៣២. ‘‘បន្នរសេ កប្បសតេ, ឥតោ អាសិំ ជនាធិបោ;

មុរជោ [ទមថោ (ស្យា.)] នាម នាមេន, ចក្កវត្តី មហព្ពលោ.

៣៣. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ពោធិឧបដ្ឋាកោ ថេរោ ឥមា គាថាយោ អភាសិត្ថាតិ.

ពោធិឧបដ្ឋាកត្ថេរស្សាបទានំ ឆដ្ឋំ.