៤. ទេសបូជកត្ថេរអបទានំ

១៨. ‘‘អត្ថទស្សី តុ ភគវា, លោកជេដ្ឋោ នរាសភោ;

អព្ភុគ្គន្ត្វាន វេហាសំ, គច្ឆតេ អនិលញ្ជសេ.

១៩. ‘‘យម្ហិ ទេសេ ឋិតោ សត្ថា, អព្ភុគ្គច្ឆិ មហាមុនិ;

តាហំ ទេសំ អបូជេសិំ, បសន្នោ សេហិ បាណិភិ.

២០. ‘‘អដ្ឋារសេ កប្បសតេ, អទ្ទសំ យំ មហាមុនិំ;

ទុគ្គតិំ នាភិជានាមិ, ទេសបូជាយិទំ ផលំ.

២១. ‘‘ឯកាទសេ កប្បសតេ, គោសុជាតសនាមកោ;

សត្តរតនសម្បន្នោ, ចក្កវត្តី មហព្ពលោ.

២២. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ទេសបូជកោ ថេរោ ឥមា គាថាយោ អភាសិត្ថាតិ.

ទេសបូជកត្ថេរស្សាបទានំ ចតុត្ថំ.