៧. តិណសូលកត្ថេរអបទានំ

៣៥. ‘‘ហិមវន្តស្សាវិទូរេ, ភូតគណោ នាម បព្ពតោ;

វសតេកោ ជិនោ តត្ថ, សយម្ភូ លោកនិស្សដោ.

៣៦. ‘‘តិណសូលំ គហេត្វាន, ពុទ្ធស្ស អភិរោបយិំ;

ឯកូនសតសហស្សំ, កប្បំ ន វិនិបាតិកោ.

៣៧. ‘‘ឥតោ ឯកាទសេ កប្បេ, ឯកោសិំ ធរណីរុហោ;

សត្តរតនសម្បន្នោ, ចក្កវត្តី មហព្ពលោ.

៣៨. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា តិណសូលកោ ថេរោ ឥមា គាថាយោ អភាសិត្ថាតិ.

តិណសូលកត្ថេរស្សាបទានំ សត្តមំ.