៥. ឧមាបុប្ផិយត្ថេរអបទានំ

២១. ‘‘និព្ពុតេ លោកមហិតេ [លោកនាថម្ហិ (សី.)], អាហុតីនំ បដិគ្គហេ;

សិទ្ធត្ថម្ហិ ភគវតិ, មហាថូបមហោ អហុ.

២២. ‘‘មហេ បវត្តមានម្ហិ, សិទ្ធត្ថស្ស មហេសិនោ;

ឧមាបុប្ផំ [ឧម្មាបុប្ផំ (សព្ពត្ថ)] គហេត្វាន, ថូបម្ហិ អភិរោបយិំ.

២៣. ‘‘ចតុន្នវុតិតោ កប្បេ, យំ បុប្ផមភិរោបយិំ;

ទុគ្គតិំ នាភិជានាមិ, ថូបបូជាយិទំ [បុប្ផបូជាយិទំ (ស្យា.), ពុទ្ធបូជាយិទំ (ក.)] ផលំ.

២៤. ‘‘ឥតោ ច នវមេ កប្បេ, សោមទេវសនាមកា;

បញ្ចាសីតិសុ រាជានោ, ចក្កវត្តី មហព្ពលា.

២៥. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា ឧមាបុប្ផិយោ ថេរោ ឥមា គាថាយោ អភាសិត្ថាតិ.

ឧមាបុប្ផិយត្ថេរស្សាបទានំ បញ្ចមំ.