១. អតិឆត្តិយត្ថេរអបទានំ

១. ‘‘បរិនិព្ពុតេ ភគវតិ, អត្ថទស្សីនរុត្តមេ;

ឆត្តាតិឆត្តំ [ឆត្តាធិឆត្តំ (សី.)] ការេត្វា, ថូបម្ហិ អភិរោបយិំ.

២. ‘‘កាលេន កាលមាគន្ត្វា, នមស្សិំ លោកនាយកំ [សត្ថុ ចេតិយំ (សី.)];

បុប្ផច្ឆទនំ កត្វាន, ឆត្តម្ហិ អភិរោបយិំ.

៣. ‘‘សត្តរសេ កប្បសតេ, ទេវរជ្ជមការយិំ;

មនុស្សត្តំ ន គច្ឆាមិ, ថូបបូជាយិទំ ផលំ.

៤. ‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;

ឆឡភិញ្ញា សច្ឆិកតា, កតំ ពុទ្ធស្ស សាសនំ’’.

ឥត្ថំ សុទំ អាយស្មា អតិឆត្តិយោ [អធិឆត្តិយោ (សី. ស្យា.)] ថេរោ ឥមា គាថាយោ អភាសិត្ថាតិ.

អតិឆត្តិយត្ថេរស្សាបទានំ បឋមំ.