៦. អភយសុត្តវណ្ណនា

២៣៧. ឆដ្ឋេ អញ្ញាណាយ អទស្សនាយាតិ អញ្ញាណត្ថាយ អទស្សនត្ថាយ. តគ្ឃ ភគវា នីវរណាតិ ឯកំសេន ភគវា នីវរណា. កាយកិលមថោតិ កាយទរថោ. ចិត្តកិលមថោតិ ចិត្តទរថោ. សោបិ មេ បដិប្បស្សទ្ធោតិ តស្ស កិរ សត្ថុ សន្តិកេ សីតលំ ឧតុសប្បាយដ្ឋានំ បវិសិត្វា និសិន្នស្ស កាយទរថោ បដិបស្សម្ភិ, តស្មិំ បដិបស្សទ្ធេ តទន្វយេនេវ ចិត្តទរថោបិ. អបិច មគ្គេនេវស្ស ឯតំ ឧភយម្បិ បស្សទ្ធន្តិ វេទិតព្ពំ.