៥. ទុតិយសរណានិសក្កសុត្តវណ្ណនា

១០២១. បញ្ចមេ ទុក្ខេត្តន្តិ វិសមខេត្តំ. ទុព្ភូមន្តិ ឩសរភូមិំ លោណូបហតំ. ខណ្ឌានីតិ បរិភិន្នានិ. បូតីនីតិ ឧទកេន តេមេត្វា បូតិភាវំ អាបន្នានិ. វាតាតបហតានីតិ វាតាតបេន ហតត្តា និរោជភាវំ គតានិ. អសារាទានីតិ អនាទិន្នសារានិ អគហិតសារានិ. អសុខសយិតានីតិ ន កោដ្ឋាទីសុ បក្ខិបិត្វា សុដ្ឋុ ឋបិតានិ. សុខសយិតានីតិ ឋបិតដ្ឋានតោ ចត្តារោ មាសេ អចលិតានិ.