១១-១២. អាគន្តុកសុត្តាទិវណ្ណនា

១៥៩-១៦០. អាគន្តុកាគារន្តិ បុញ្ញត្ថិកេហិ នគរមជ្ឈេ កតំ អាគន្តុកឃរំ, យត្ថ រាជរាជមហាមត្តេហិបិ សក្កា ហោតិ និវាសំ ឧបគន្តុំ. អភិញ្ញា បរិញ្ញេយ្យាតិ យថេវ ហិ តេសំ បុរត្ថិមទិសាទីហិ អាគតានំ ខត្តិយាទីនំ វាសោ អាគន្តុកាគារេ ឥជ្ឈតិ, ឯវំ ឥមេសំ អភិញ្ញាបរិញ្ញេយ្យាតិអាទីនំ ធម្មានំ អភិញ្ញាបរិជាននាទីហិ សហវិបស្សនស្ស អរិយមគ្គស្ស ភាវនាយ ឥជ្ឈន្តិ, តេនេតំ វុត្តំ. នទីសុត្តំ ហេដ្ឋា វុត្តនយមេវាតិ.

ពលករណីយវគ្គោ នវមោ.