១០. ឯសនាវគ្គោ

១. ឯសនាសុត្តវណ្ណនា

១៦១. ឯសនាវគ្គេ កាមេសនាតិ កាមានំ ឯសនា គវេសនា មគ្គនា បត្ថនា. ភវេសនាតិ ភវានំ ឯសនា. ព្រហ្មចរិយេសនាតិ មិច្ឆាទិដ្ឋិសង្ខាតស្ស ព្រហ្មចរិយស្ស ឯសនា.

២-១១. វិធាសុត្តាទិវណ្ណនា

១៦២-១៧១. វិធាតិ មានកោដ្ឋាសា មានឋបនា វា. សេយ្យោហមស្មីតិ វិធាតិ អហមស្មិ សេយ្យោតិ ឯវំ មានកោដ្ឋាសោ មានឋបនា វា. នីឃាតិ ទុក្ខា. វចនត្ថោ បនេត្ថ យស្ស ឧប្បជ្ជន្តិ, តំ បុរិសំ នីហនន្តីតិ នីឃា. សេសមេត្ថ ឧត្តានមេវាតិ.

ឯសនាវគ្គោ ទសមោ.