១. តថាគតសុត្តវណ្ណនា

១៣៩. អប្បមាទបេយ្យាលេ ឯវមេវ ខោតិ ឯត្ថ យថា សព្ពសត្តានំ សម្មាសម្ពុទ្ធោ អគ្គោ, ឯវំ សព្ពេសំ កុសលធម្មានំ ការាបកអប្បមាទោ អគ្គោតិ ទដ្ឋព្ពោ. ននុ ចេស លោកិយោវ, កុសលធម្មា បន លោកុត្តរាបិ. អយញ្ច កាមាវចរោវ, កុសលធម្មា បន ចតុភូមកា. កថមេស តេសំ អគ្គោតិ? បដិលាភកដ្ឋេន. អប្បមាទេន ហិ តេ បដិលព្ភន្តិ, តស្មា សោ តេសំ អគ្គោ. តេនេតំ វុត្តំ សព្ពេ តេ អប្បមាទមូលកាតិអាទិ.