៩. សូកសុត្តវណ្ណនា

៩. នវមេ មិច្ឆាបណិហិតន្តិ សូកំ នាម ឧទ្ធគ្គំ កត្វា ឋបិតំ ហត្ថំ វា បាទំ វា ភិន្ទតិ, តថា អដ្ឋបិតំ បន មិច្ឆាបណិហិតំ នាម. មិច្ឆាបណិហិតាយ ទិដ្ឋិយាតិ មិច្ឆាឋបិតាយ កម្មស្សកតបញ្ញាយ. អវិជ្ជំ ភិន្ទិស្សតីតិ ចតុសច្ចបដិច្ឆាទកំ អវិជ្ជំ ភិន្ទិស្សតិ. វិជ្ជំ ឧប្បាទេស្សតីតិ អរហត្តមគ្គវិជ្ជំ ឧប្បាទេស្សតិ. មិច្ឆាបណិហិតត្តា, ភិក្ខវេ, ទិដ្ឋិយាតិ កម្មស្សកតបញ្ញាយ ចេវ មគ្គភាវនាយ ច មិច្ឆា ឋបិតត្តា, អប្បវត្តិតត្តាតិ អត្ថោ. ឥមស្មិំ សុត្តេ កម្មស្សកតញាណំ មគ្គនិស្សិតំ កត្វា មិស្សកមគ្គោ កថិតោ.