៥-៦. បឋមនោចេអស្សាទសុត្តាទិវណ្ណនា

១៧-១៨. បញ្ចមេ និស្សដាតិ និក្ខន្តា. វិសញ្ញុត្តាតិ នោសំយុត្តា. វិប្បមុត្តាតិ នោ អធិមុត្តា វិមរិយាទីកតេន ចេតសាតិ និម្មរិយាទីកតេន ចេតសា. យញ្ហិ កិលេសជាតំ វា វដ្ដំ វា អប្បហីនំ ហោតិ, តេន សេខានំ ចិត្តំ សមរិយាទីកតំ នាម. យំ បហីនំ, តេន វិមរិយាទីកតំ. ឥធ បន សព្ពសោ កិលេសានញ្ចេវ វដ្ដស្ស ច បហីនត្តា វិមរិយាទីកតេន កិលេសវដ្ដមរិយាទំ អតិក្កន្តេន ចិត្តេន វិហរិំសូតិ អត្ថោ. ឆដ្ឋេបិ ឯសេវ នយោ. ឆសុបិ បនេតេសុ សុត្តេសុ ចតុសច្ចមេវ កថិតន្តិ វេទិតព្ពំ.