៣-៤. អាយាចនវគ្គាទិ

១-១១. មារាទិសុត្តឯកាទសកវណ្ណនា

១៨២-២០៥. តតោ បរំ ឧត្តានត្ថមេវ. អយញ្ហិ រាធត្ថេរោ បដិភានិយត្ថេរោ នាម. តថាគតស្ស ឥមំ ថេរំ ទិស្វា សុខុមំ ការណំ ឧបដ្ឋាតិ. តេនស្ស ភគវា នានានយេហិ ធម្មំ ទេសេតិ. ឯវំ ឥមស្មិំ រាធសំយុត្តេ អាទិតោ ទ្វេ វគ្គា បុច្ឆាវសេន ទេសិតា, តតិយោ អាយាចនេន, ចតុត្ថោ ឧបនិសិន្នកកថាវសេន. សកលម្បិ បនេតំ រាធសំយុត្តំ ថេរស្ស វិមុត្តិបរិបាចនីយធម្មវសេនេវ គហិតន្តិ វេទិតព្ពំ.

រាធសំយុត្តវណ្ណនា និដ្ឋិតា.