២-១០. សត្តសុត្តាទិវណ្ណនា

១៦១-១៦៩. ទុតិយេ សត្តោ សត្តោតិ លគ្គបុច្ឆា. តត្រ សត្តោ តត្រ វិសត្តោតិ តត្រ លគ្គោ តត្រ វិលគ្គោ. បំស្វាគារកេហីតិ បំសុឃរកេហិ. កេឡាយន្តីតិ កីឡន្តិ. ធនាយន្តីតិ ធនំ វិយ មញ្ញន្តិ. មមាយន្តីតិ ‘‘មម ឥទំ, មម ឥទ’’ន្តិ មមត្តំ ករោន្តិ, អញ្ញស្ស ផុសិតុម្បិ ន ទេន្តិ. វិកីឡនិយំ ករោន្តីតិ ‘‘និដ្ឋិតា កីឡា’’តិ តេ ភិន្ទមានា កីឡាវិគមំ ករោន្តិ. តតិយេ ភវនេត្តីតិ ភវរជ្ជុ. ចតុត្ថំ ឧត្តានមេវ. បញ្ចមាទីសុ ចតូសុ ចត្តារិ សច្ចានិ កថិតានិ, ទ្វីសុ កិលេសប្បហានន្តិ. ទុតិយាទីនិ.

បឋមោ វគ្គោ.