៣-១០. សុវណ្ណនិក្ខសុត្តាទិវណ្ណនា

១៦៩. តតិយាទីសុ សុវណ្ណនិក្ខស្សាតិ ឯកស្ស កញ្ចននិក្ខស្ស. សិង្គីនិក្ខស្សាតិ សិង្គីសុវណ្ណនិក្ខស្ស. បថវិយាតិ ចក្កវាឡព្ភន្តរាយ មហាបថវិយា. អាមិសកិញ្ចិក្ខហេតូតិ កស្សចិទេវ អាមិសស្ស ហេតុ អន្តមសោ កុណ្ឌកមុដ្ឋិនោបិ. ជីវិតហេតូតិ អដវិយំ ចោរេហិ គហេត្វា ជីវិតេ វោរោបិយមានេ តស្សបិ ហេតុ. ជនបទកល្យាណិយាតិ ជនបទេ ឧត្តមិត្ថិយា. តតិយាទីនិ.

ទុតិយោ វគ្គោ.