១០. បុគ្គលសុត្តវណ្ណនា

១៣៣. ទសមេ អដ្ឋិកង្កលោតិអាទីនិ តីណិបិ រាសិវេវចនានេវ. ឥមេសំ បន សត្តានំ សអដ្ឋិកាលតោ អនដ្ឋិកាលោវ ពហុតរោ. គណ្ឌុប្បាទកាទិបាណភូតានញ្ហិ ឯតេសំ អដ្ឋិមេវ នត្ថិ, មច្ឆកច្ឆបាទិភូតានំ បន អដ្ឋិមេវ ពហុតរំ, តស្មា អនដ្ឋិកាលញ្ច ពហុអដ្ឋិកាលញ្ច អគ្គហេត្វា សមដ្ឋិកាលោវ គហេតព្ពោ. ឧត្តរោ គិជ្ឈកូដស្សាតិ គិជ្ឈកូដស្ស ឧត្តរបស្សេ ឋិតោ. មគធានំ គិរិព្ពជេតិ មគធរដ្ឋស្ស គិរិព្ពជេ, គិរិបរិក្ខេបេ ឋិតោតិ អត្ថោ. សេសំ សព្ពត្ថ ឧត្តានមេវាតិ. ទសមំ.

បឋមោ វគ្គោ.