៥. បថវីសុត្តាទិវណ្ណនា

៧៨-៨៤. បញ្ចមេ មហាបថវិយាតិ ចក្កវាឡព្ភន្តរាយ មហាបថវិយា ឧទ្ធរិត្វា. កោលដ្ឋិមត្តិយោតិ បទរដ្ឋិបមាណា. គុឡិកាតិ មត្តិកគុឡិកា. ឧបនិក្ខិបេយ្យាតិ ឯកស្មិំ ឋានេ ឋបេយ្យ. ឆដ្ឋាទីសុ វុត្តនយេនេវ អត្ថោ វេទិតព្ពោ. បរិយោសានេ បន អញ្ញតិត្ថិយសមណព្រាហ្មណបរិព្ពាជកានំ អធិគមោតិ ពាហិរកានំ សព្ពោបិ គុណាធិគមោ បឋមមគ្គេន អធិគតគុណានំ សតភាគម្បិ សហស្សភាគម្បិ សតសហស្សភាគម្បិ ន ឧបគច្ឆតីតិ. បញ្ចមាទីនិ.

អភិសមយសំយុត្តវណ្ណនា និដ្ឋិតា.