៤. នន្ទនសុត្តវណ្ណនា

៩៥. ចតុត្ថេ គោតមាតិ ភគវន្តំ គោត្តេន អាលបតិ. អនាវដន្តិ តថាគតស្ស ហិ សព្ពញ្ញុតញ្ញាណំ បេសេន្តស្ស រុក្ខោ វា បព្ពតោ វា អាវរិតុំ សមត្ថោ នាម នត្ថិ. តេនាហ ‘‘អនាវដ’’ន្តិ. ឥតិ តថាគតំ ថោមេត្វា ទេវលោកេ អភិសង្ខតបញ្ហំ បុច្ឆន្តោ កថំវិធន្តិអាទិមាហ. តត្ថ ទុក្ខមតិច្ច ឥរិយតីតិ ទុក្ខំ អតិក្កមិត្វា វិហរតិ. សីលវាតិ លោកិយលោកុត្តរេន សីលេន សមន្នាគតោ ខីណាសវោ. បញ្ញាទយោបិ មិស្សកាយេវ វេទិតព្ពា. បូជយន្តីតិ គន្ធបុប្ផាទីហិ បូជេន្តិ. ចតុត្ថំ.